1 months 20 days 27 minutes 52 seconds ago
#MM_തലക്കെട്ട്_1
87 തസ്തികളിലേക്ക് ആറു മാസത്തേക്ക് ഉള്ള വിസ വിലക്ക് കാലാവധി പിന്നിടുമ്പോൾ പുനരവലോകനം ചെയ്യുമെന്ന് മന്ത്രാലയം അറിയിച്ചു.വിദേശ തൊഴിലാളികളുടെ എണ്ണം കുതിച്ചുയർന്നതിനെ തുടർന്ന് തൊഴിൽ വിപണിയെ ക്രമപ്പെടുത്തുന്നതിനും സ്വദേശികൾക്ക് കൂടുതൽ തൊഴിലവസരങ്ങൾ ലഭ്യമാക്കാനുമാണ് താൽക്കാലിക വിസ നിരോധനം ഏർപ്പെടുത്തിയത്.
============================================================
#MM_തലക്കെട്ട്_2
റുവിയിൽ നിന്ന് ദാർസൈറ്റ് പാലത്തിലേക്കുള്ള വഴിയിൽ ട്രാഫിക് സിഗ്നൽ എത്തുന്നതിന് മുൻപുള്ള രണ്ടു ലൈനുകൾ അറ്റകുറ്റ പണികൾക്കായി അടയ്ക്കുമെന്ന് മസ്കറ്റ് നഗരസഭ അറിയിച്ചു. മുന്നറിയിപ്പ് ബോർഡുകൾ സ്ഥാപിച്ചിട്ടുണ്ടെന്നും ഡ്രൈവർമാർ ശ്രദ്ധിക്കണമെന്നും അധികൃതർ അറിയിച്ചു.
========================================================
#MM_തലക്കെട്ട്_3
നഗരസഭ പരിധിയിലുള്ള വ്യാപാര സ്ഥാപനങ്ങളുടെ ലൈസൻസ് പുതുക്കുന്നതിനുള്ള ഫീസിൽ മൂന്ന് മുതൽ നാലിരട്ടി വരെ വർധന. നിശ്ചിത തീയതിക്കകം ലൈസൻസ് പുതുക്കാത്തവരുടെ പിഴയും ഇരട്ടി ആക്കിയിട്ടുണ്ടെന്ന് ഇത് സംബന്ധിച്ച് നഗരസഭ പുറത്തിറക്കിയ കുറിപ്പിൽ പറയുന്നു.
============================================================
#MM_തലക്കെട്ട്_4
സ്റ്റോക് എക്സ്ചേഞ്ച് മേഖലയുമായി ബന്ധപ്പെട്ട് പ്രവർത്തിക്കുന്ന സ്ഥാപനങ്ങളുടെ പ്രതിനിധികൾ പങ്കെടുക്കുന്ന വേൾഡ് എക്സ്ചേഞ്ച് കോൺഗ്രസ് ഈ മാസം 27,28 തീയതികളിൽ മസ്കറ്റിൽ നടക്കും.90 ഓളം പ്രഭാഷകർ സമ്മേളനത്തിൽ വിവിധ വിഷയങ്ങൾ അവതരിപ്പിക്കും.
=============================================
#MM_തലക്കെട്ട്_5
ഡ്രൈവിങ് ലൈസൻസിനുള്ള ഫീസ് 20 റിയാലിൽനിന്ന് 10 റിയാലായി കുറച്ചതായി റോയൽ ഒമാൻ പോലീസ് അറിയിച്ചു.മാർച്ച് ഒന്നു മുതൽ പുതിയ നിരക്കുകൾ പ്രാബല്യത്തിൽവരും.വിദേശികൾക്ക് രണ്ടു വർഷത്തേക്ക് ലൈസൻസ് പുതുക്കുന്നതിനും പത്ത് റിയാലാണ് ഫീസ്. സ്വദേശികൾ 10 വർഷത്തേക്ക് ലൈസൻസ് പുതുക്കുന്നതിന് നിലവിലെ നിരക്കായ 20 റിയാൽതന്നെ നൽകണം.
==============================================
Banner courtesy : മായാവി Habin K Hari
( നിങ്ങള്ടെ അടുത്തുള്ള ചെറുതോ വലുതോ ആയ വാര്ത്തകള് ഞങ്ങളെ അറിയിക്കുക ) email to :"mmheadlines@gmail.com" or whatsapp to "95073922"
വാര്ത്തകളും വിശേഷങ്ങളും മസ്കറ്റ് മലയാളീസ് വെബ്സൈറ്റ് ആയ www.muscatmalayalees.com സന്ദര്ശിക്കുക.
